Reitbeteiligung gesucht

allöchen, ich suech öpper für euses chline Team. 
Das Team bestaht useme 11 Jährige meintli woni Rietstunde gib und in begleitig vo mir verusse usritte döff.
Und min chline 4 Jährige Tinker Winnetou 140chli.
Und Ich, Jessi 32gi Bsitzerin  

Was ich mir wünsche wür und sueche..

Öpper wo Wätterfest isch
Öpper wo sehr zueverlässig isch 
Öpper wo chli biss hät 
Öpper wo sich duresetze cha
Öpper wo gern gmüädlich unterwägs isch
Öpper wo aber bewusst isch das en 4 Jährige au cha dumm due
Öpper wo Sattelfest isch 
Öpper wo es gmüädlichss ross cha motiviere
Öpper wo nöd grad ufgit wens nöd so lauft wimmer wott
Öpper wo cha akzeptiere das en Tinker meh motivation brucht... 
Öpper wo klar chunt mitere sehr direckte Bsitzerin
Öpper wo wertschetzt das mr alli freiheite hät und das nie usnutzt
Öpper wo klar cha rede und immer ehrlich isch
Öpper wo s wohl vom Tier über alles stellt
Öpper wo demit klar chunt das er nonig Galoppiere cha mit Riter
Öpper wo klar demit chunt das mr meist allei unterwägs isch
Öpper wo klar chunt das mr keis Stall wc händ sondern in Box gönd
Öpper wo sehr gern Bodearbet macht und au chan
Öpper wo nöd schwärer isch als 65kg
Öpper wo höchst sälte gaht go spaziere, nur wäns am Winnetou nöd guet gaht. 
Öpper wo vo sich us mal de Zaum und Sattel putzt

Wänn du dich agsproche fühlsch... döffsch mr gern en pn schribe. 

Mir sind Wislig ZH  die hei imene Privatestall mit 3 anderne Ross... jede macht chli sis ding und mr isch wücki eher allei unterwägs. Ich freu mi wänn mr vllt ide umgäbig Rietkollege hät das mr cha abmache da hani garkeis problem, wür mi sogar freue. 
Zu sim gemüädliche Wese... er isch halt nöd de wo gern schnell und vorwärts lauft. Bi mir macht ers aber bi anderne ischer en sehr tribige... und doch chaner vo 0 uf 100 los. Das heisst er chan wänner wott aber mr brucht sehr viel  überzügig. Er isch en absolute minimalist. Er isch sehr charakter starch und für sis alter jetzt scho e sehr sälbständig. Sehr strassesicher... und überhaupt nöd en ängstliche... eher de wo alles aluege will. Er isch was ritte abelangt am afang vom afang....  mr hät möglichkeit grad da ide nöchi id rittstund zgah. Da ich eher chli schwärer bi suechi öpper wo liechter isch als ich... wo mit ihm au lengeri streckene cha go usritte und ebe id Rittstund cha gah zum ihn hälfe ufbaue und gang arte lerne. Ich sälber bi imoment nur schritt unterwägs, oder gah go Kutschefahre oder gah go Wandere/spaziere mit ihm.  Drum suechi öpper wo wucki Ritte und Bodearbet im aug hät, will spaziere chani sälber für das bruchi kei RB.  Ich wür mir wünsche öpper finde wo 1-2 mal ide wuche cho wür...  Nöd jünger als 15ni. Eifach wegem sälbständigkeit und wege eigeverantwortig. Ich will öpper wo cha cho und gah ohni dasi mir muss gedanke mache obs mim ross guet gaht. Woni cha au mal id ferie und weiss er isch i guete händ.   

Ich wür gern öpper finde wo sich sälber au cha igestah...he hüt isch en scheiss tag weni jetzt gah gits nüd gschieds und dänn halt eifach  Ross wäscht, Sattel wäscht und so züg. Als öppis durestiere und dänn en seich git.   Ich bi sehr unkompliziert... mr cha und döff fast alles mache. Ich ha en Westernsattel, en Dressur Sattel und es Ritpad mr döff alles benutze... ob jetzt mit Westernzaum Dressurzaum oder ob mit chnoti alles erlaubt. Solang mr immer ehrlich isch... au wens en seich git, au wenn öppis kaputt gaht oder abegheit oder absecklet was au immer... passiere cha immer was... mr döff sich immer getraue alles verzelle.  

Fühlsch dich immer no agsproche...  aso pn schribe und kontakt uf neh ich freu mi.